ముగ్గురి ప్రాణాలు తీసిన ఇంజక్షన్...

12:03 - August 6, 2018

శ్రీకాకుళం : రిమ్స్‌ ఆసుపత్రిలో ఇంజక్షన్‌ వికటించడంతో ముగ్గురు మృత్యువాత పడ్డారు. అస్వస్థతకు గురైన మరో 16మంది చికిత్స తీసుకుంటున్నారు. ఈ విషాదానికి కారణమైన సెప్ర్టియాక్షన్‌ సూది మందు వినియోగం, బాద్యులైన వైద్యులపైన 8 మంది ఉన్నతాధికారులతో విచారణ కొనసాగుతోంది. ఈ ఘటనలో శైలు, అనిత, దుర్గమ్మ శనివారం మృతి చెందగా.. మరో నలుగురు విశాఖ కేజీహెచ్‌లోనూ, 12మంది రిమ్స్‌ అత్యవసర విభాగంలోనూ చికిత్స పొందుతున్నట్లు రిమ్స్‌ వర్గాలు తెలిపాయి.. సీఎం చంద్రబాబు ఆదేశాల మేరకు మంత్రి కళా వెంకటరావు, కలెక్టర్‌ ధనుంజయరెడ్డి, స్థానిక ఎమ్మెల్యే గుండ లక్ష్మిదేవి వైద్యాధికారులతో మాట్లాడి బాధితులకు మెరుగైన వైద్యం అందించేలా చర్యలు చేపట్టారు. 20మంది రోగులకు ఒకే రకమైన ఇంజక్షన్‌ ఎందుకువాడారన్న అనుమానాలు వ్యక్తమౌతున్నాయి. కాగా దర్యాప్తు పూర్తయ్యాక కమిటీ నివేదికను ప్రభుత్వానికి అందజేస్తామని రిమ్స్‌ డైరెక్టర్‌ కృష్ణవేణి తెలిపారు.

Don't Miss