రోడ్డు విస్తరణ పనులు...తీవ్ర ఉద్రిక్తత...

17:21 - May 7, 2018

మెదక్ : రోడ్డు విస్తరణ పనులు కొంతమంది కొంపలు ముంచుతున్నాయి. రామాయంపేట - సిద్ధిపేట రోడ్ల విస్తరణ పనుల్లో తీవ్ర ఉద్రిక్తత నెలకొంది. సోమవారం అధికారులు జేసీబీలు తీసుకొచ్చి విస్తరణకు అడ్డుగా ఉన్న నివాసాలను, దుకాణాలను కూల్చివేశారు. ఈ కూల్చివేతలపై బాధితులు తీవ్ర ఆగ్రహం వ్యక్తం చేశారు. ఎన్నో ఏళ్లుగా ఉంటున్న తమ ఇళ్లను ఎలా కూలుస్తారని బాధితులు ఆగ్రహం వ్యక్తం చేశారు. ముందస్తు నోటీసులు ఇవ్వకుండా ఎలా కూలుస్తారని ప్రశ్నించారు. చిన్న చిన్న షాపులు పెట్టుకుని జీవనం కొనసాగిస్తున్నామని కొంతమంది పేర్కొన్నారు. లక్షలాది రూపాయలు వెచ్చించి ఇళ్లు కట్టుకుంటే ఇలా కూల్చివేయడం కరెక్టు కాదని మరికొంతమంది ఆగ్రహం వ్యక్తం చేశారు. మరి ఉన్నతాధికారులు ఎలా స్పందిస్తారో వేచి చూడాలి. 

Don't Miss