కోమటిరెడ్డి ఇలాఖాలో...

13:33 - March 13, 2018

నల్గొండ : జిల్లాలో కాంగ్రెస్ శ్రేణులు ఆందోళన చేపట్టాయి. మంగళవారం నాడు బడ్జెట్ సమావేశాల్లో కాంగ్రెస్ సభ్యులను సస్పెండ్ చేయడం..కోమటిరెడ్డి, సంపత్ ల సభ్యత్వాన్ని రద్దు చేస్తున్నట్లు ప్రభుత్వం నిర్ణయం తీసుకోవడం సంచలనం రేపింది. దీనిపై కాంగ్రెస్ తీవ్ర ఆగ్రహంగా ఉంది. ప్రజాస్వామ్యాన్ని కేసీఆర్ ప్రభుత్వం ఖూని చేసిందని, దీనిపై మండలాల్లో సీఎం కేసీఆర్ దిష్టిబొమ్మలను దగ్ధం చేయాలని టి.కాంగ్రెస్ పిలుపునిచ్చింది.

దీనితో చిట్యాలలో కాంగ్రెస్ శ్రేణులు ఆందోళన చేపట్టడంతో పోలీసులు అప్రమత్తమయ్యారు. కోమటిరెడ్డి ఇంటి వద్ద పోలీసులు భారీగా మోహరించారు. ఇంటికి వెళ్లే దారులను పోలీసులు మూసివేశారు. చిట్యాలలో కేసీఆర్ దిష్టిబొమ్మను దహనం చేశారు. ఈ సందర్భంగా పోలీసులు పలువురు కాంగ్రెస్ నేతలను అరెస్టు చేశారు. 

Don't Miss