కార్తిచిదంబరం కేసు వాయిదా

19:15 - September 11, 2017

ఢిల్లీ : ఐఎన్‌ఎక్స్‌ మీడియా అవినీతి కేసులో మాజీ కేంద్రమంత్రి చిదంబరం కుమారుడు కార్తి చిదంబరంకు సుప్రీంకోర్టులో ఊరట లభించలేదు. కార్తీకి లుక్‌అవుట్‌ నోటీసు కొనసాగించాలా...వద్దా అన్నది సెప్టెంబర్‌ 18కి కోర్టు వాయిదా వేసింది. అప్పటివరకు లుక్‌అవుట్‌ నోటీసు అమలులో ఉంటుంది. కార్తీపై కీలక విచారణ జరుగుతోందని...విదేశాల్లో 25 చోట్ల ఆస్తులున్నాయని సిబిఐ కోర్టుకు తెలిపింది. సిబిఐ ఆరోపణలు నిరాధారమైనవని, విచారణ పేరిట కుటుంబాన్ని వేధింపులకు గురి చేస్తోందని కార్తీ తరపు న్యాయవాది కోర్టుకు తెలిపారు. కార్తీ కుటుంబానికి చెందిన ఆస్తుల వివరాలు ఐటి వద్ద ఉన్నాయని... విదేశాల్లో ఆస్తులుంటే కేంద్రం జప్తు చేసుకోవచ్చని సూచించారు. లుక్‌అవుట్‌ నోటీసుకు వీటికి ఎలాంటి సంబంధం లేదన్నారు. ఐఎన్‌ఎక్స్‌ మీడియాలో అక్రమాలకు సంబంధించి కార్తీ విదేశాలకు వెళ్లకుండా సిబిఐ లుక్‌అవుట్‌ నోటీసు జారీ చేసిన విషయం తెలిసిందే.

Don't Miss