అధిక బరువుతోనే ఐఆర్ ఎన్ ఎస్ ఎస్ 1హెచ్ విఫలం : శాస్త్రవేత్తలు

11:30 - September 3, 2017

నెల్లూరు : ఇస్రో ప్రయోగించిన 8వ నేవిగేషన్‌ శాటిలైట్ ఐఆర్ ఎన్ ఎస్ ఎస్ 1హెచ్ విఫలం కావడానికి అధిక బరువే కారణమని శాస్త్రవేత్తలు అభిప్రాయపడ్డారు. లాంచ్‌ వెహికల్‌ మోతాదుకు మించి ఒక టన్ను బరువు అధికంగా మోయడం వల్లే ఐఆర్ ఎన్ ఎస్ ఎస్ 1హెచ్ ఉపగ్రహం విఫలమైందని భావిస్తున్నారు. గురువారం శ్రీహరికోట నుంచి  పీఎస్ ఎల్ వీ-సీ 39 ప్రయోగించిన కొద్దిసేపటికే విఫలమైంది.ఉష్ణకవచం నుంచి ఉపగ్రహం వేరుకాకపోవడంతో ప్రయోగం విఫలమైంది. బరువు అధికంగా ఉండడం వల్ల ఎత్తుకు ఎగరలేక పోవడమే కాకుండా.. ప్రతి సెకనుకు ఓ కిలోమీటర్‌  వేగం తగ్గడం కూడా  కారణమని ఇస్రో మాజీ డైరెక్టర్ ఎస్‌కె శివకుమార్‌ చెబుతున్నారు. పీఎస్ ఎల్ వీ సీ39 ప్రయోగం తొలి మూడు దశలు విజయవంతమైనా, చివరి దశలో రాకెట్‌ నుంచి ఉపగ్రహం వేరుకాకపోవడంతో ప్రయోగం ఫెయిలైంది. హీట్‌ షీల్డు తెరుచుకోపోవడంతో ఉపగ్రహాన్ని నిర్దిష్ట కక్షలో ప్రవేశపెట్టలేకపోయినట్లు ఇస్రో ఛైర్మన్‌ కిరణ్‌కుమార్‌ ప్రకటించిన విషయం తెలిసిందే. ఈ ప్రయోగం విజయవంతమైతే భారత్‌ సొంత దిక్సూటీ నావిక్ సేవలు మరింత మెరగయ్యేవని ఇస్రోవర్గాలు అంటున్నాయి. 

Don't Miss