పీఎస్‌ఎల్‌వీ సీ39 రాకెట్‌ ప్రయోగం విఫలం

22:03 - August 31, 2017

నెల్లూరు : అంతరిక్ష ప్రయోగాల్లో భారత్‌కు ఎదురుదెబ్బ తగిలింది. పీఎస్‌ఎల్‌వీ సీ39 ప్రయోగం విఫలమైంది. ఈ రాకెట్‌ ఐఆర్ ఎన్ ఎస్ ఎస్ 1హెచ్ ఉప్రగహాన్ని మోసుకెళ్లింది. అయితే రాకెట్‌ ఉష్ణకవచం నుంచి ఉపగ్రహం వేరుకాకపోవడంతో ప్రయోగం విఫలమైంది. ఇటీవల కాలంలో ఇస్రోకు ఇది తొలి పరాజయం. పీఎస్‌ఎల్‌వీ సీ39 ప్రయోగం తొలి మూడు దశలు విజయవంతమైనా, చివరి దశలో రాకెట్‌ నుంచి ఉపగ్రహం వేరుకాకపోవడంతో ప్రయోగం ఫెయిలైంది. హీట్‌ షీల్డు తెరుచుకోపోవడంతో ఉపగ్రహాన్ని నిర్దిష్ట కక్షలో ప్రవేశపెట్టలేకపోయారు. ఈ ప్రయోగం విజయవంతమైతే భారత్‌ సొంత దిక్సూటీ నావిక్.. మరింత మెరుగ్గా సేవలు అందించేంది. పీఎస్‌ఎల్‌వీ సీ39 ప్రయోగం వైఫల్యానికి కారణాలపై ఇస్రో సమీక్షిస్తోంది.  
 

Don't Miss