15 అంశాలపై భారత్‌,ఇండోల ఒప్పందం..

18:00 - May 30, 2018

ఇండోనేషియా : భారత్‌-ఇండోనేషియా దేశాల మధ్య 15 అంశాలపై ఒప్పందం కుదిరింది. రక్షణ, సైన్స్‌, టెక్నాలజీ రంగాల్లో పరస్పర సహకారం, తదితర అంశాలపై ఇరు దేశాలు సంతకాలు చేశాయి. ఇండోనేషియా అధ్యక్షుడు జోకో విదోదోను కలుసుకున్న మోది- సముద్రమార్గం, టూరిజం, పెట్టుబడులు తదితర ద్వైపాక్షిక అంశాలపై చర్చలు జరిపారి. అనంతరం ఇరుదేశాల నేతలు సంయుక్త మీడియా సమావేశంలో పాల్గొన్నారు. ఇండోనేషియాలో ఉగ్రదాడిని ఖండించిన మోది- ఉగ్రవాదంపై పోరుకు ప్రపంచ వ్యాప్తంగా జరుగుతున్న ప్రయత్నాలను మరింత వేగవంతం చేయాల్సిన అవసరం ఉందన్నారు. ఇరు దేశాల మధ్య ద్వైపాక్షిక వ్యాపారాన్ని 2025 నాటికి ద్విగుణీకృతం చేయనున్నట్లు మోది పేర్కొన్నారు అంతకుముందు ఐదు రోజుల విదేశీ పర్యటనలో భాగంగా ఇండోనేషియా చేరుకున్న ప్రధాని నరేంద్ర మోదికి మరడెకా ప్యాలెస్‌లో ఘనస్వాగతం లభించింది. ఇండోనేషియాలో స్వతంత్ర పోరాటంలో ప్రాణాలు కోల్పోయిన అమరవీరులకు మోది శ్రద్ధాంజలి ఘటించారు. 

Don't Miss