మెగాస్టార్ ఫ్యామిలీకి అన్యాయం జరిగిందా ?

18:30 - November 15, 2017

హైదరాబాద్ : మెగాస్టార్ ఫ్యామిలీకి అన్యాయం జరిగిందా ? అంటే అవును జరిగిందని గీతా ఆర్ట్స్ లో కీలకంగా వ్యవహరిస్తున్న బన్నీ వాసు పేర్కొన్నారు. ఈయన చేసిన ట్వీట్స్ చర్చనీయాంశమయ్యాయి. ఇటీవలే ఏపీ ప్రభుత్వం మూడు సంవత్సరాలకు నంది అవార్డులు ప్రకటించిన సంగతి తెలిసిందే. అందులో అల్లు అర్జున్ కు క్యారెక్టర్ ఆర్టిస్టు అవార్డు వచ్చింది. మెగా కుటుంబంలో ఉన్న ఒక్క హీరోకు కూడా ఉత్తమ నటుడు అవార్డు రాలేదన్నారు.

ట్విట్టర్ ఖాతా ద్వారా స్పందించారు. మూడేళ్ల కాలంలో మెగా హీరోలు ఎన్నో సూపర్ హిట్ సినిమాలు చేశారని, దీనిని బట్టి చూస్తే మెగా ఫ్యామిలీని అవమానించడమేనని తెలిపారు. మెగా ఫ్యామిలీ ఈ విషయాన్ని పట్టించుకోదని..అయిన ఆవేదనను తట్టుకోలేక మాట్లాడుతున్నట్లు పేర్కొన్నారు. మగధీర సినిమాకు కూడా ఎంతో అన్యాయం జరిగిందని..జాతీయస్థాయిలో గుర్తింపు పొందినా రాష్ట్ర స్థాయిలో మాత్రం అన్యాయం జరిగిందన్నారు. దీనిపై సినీ పెద్దలు ఎలా స్పందిస్తారో వేచి చూడాలి....

Don't Miss