ప్రిన్సిపల్ ప్రశ్నించాడని విద్యార్థిని ఆత్మహత్య..

12:48 - January 5, 2017

సిద్ధిపేట : చిన్న చిన్న విషయాలకే విద్యార్థినీ, విద్యార్థులు ఆత్మహత్య చేసుకుంటున్నారనే దానికి ఇదొక ఉదాహరణగా చెప్పుకునే ఘటన సిద్ధిపేట జిల్లాలో జరిగింది. పుల్లూరులోని సాయి చైతన్య కళాశాలలో సీఈసీ ఇంటర్ చదువుతున్న భవానీ అనే విద్యార్థిని ఆత్మహత్య చేసుకుంది. గురువారం ఉదయం కళాశాలకు వచ్చిన భవాని భవనంపైకి ఎక్కి దూకి ఆత్మహత్యకు చేసుకుంది. భవానీతో కలిసి చదువుకుంటున్న మరో విద్యార్థినికి సంబంధించిన రూ.100 కనిపించకుండా పోయాయి. దీంతో ప్రిన్సిపల్ కు సదరు విద్యార్థిని ఫిర్యాదు చేసింది. దీంతో ప్రిన్సిపల్ భవానీని పిలిచి డబ్బు గురించి ప్రశ్నించాడు. దీంతో మనస్తాపం చెందిన భవానీ ఆత్మహత్య చేసుకున్నట్లుగా తెలుస్తోంది. 

Don't Miss