అదరగొట్టిన 'జై లవకుశ'..

15:37 - May 19, 2017

జూనియర్ ఎన్టీఆర్ మరోసారి అదరగొట్టేందుకు రెడీ అవుతున్నాడు. ‘జనతా గ్యారేజ్' విజయం అనంతరం 'జై లవకుశ'తో ప్రేక్షకుల ముందుకు రావడానికి రెడీ అవుతున్నాడు. సోదరుడు కళ్యాణ్ రామ్ నిర్మాణంలో తెరకెక్కుతున్న 'జై లవకుశ' చిత్రంలో నటిస్తున్నాడు. ఈ చిత్రంపై భారీ అంచనాలు నెలకొన్నాయి. ఎన్టీఆర్ మూడు పాత్రల్లో నటిస్తున్నాడని..అందులో ఒక పాత్ర విలన్ అయి ఉంటుందని సోషల్ మీడియాలో ప్రచారం జరుగుతోంది. 20వ తేదీన ఎన్టీఆర్ జన్మదిన శుభసందర్బంగా కొద్దిసేపటి క్రితం ఈ చిత్రానికి సంబంధించిన లుక్స్ విడుదల చేశారు. ఎన్టీఆర్ మాస్ లుక్ లో కనిపిస్తున్నాడు. ఒక చేతిలో సంకెళ్లు..మరొక చేతిలో గ్లాసెస్ పట్టుకుని దండం పెడుతున్నట్లుగా మరొక ఫొటోలో ఎన్టీఆర్ కనిపిస్తున్నాడు. ఈ రెండు చిత్రాల్లో ఎన్టీఆర్ వెనుక వైపున రావాణాసురుడి బొమ్మ కనిపిస్తోంది. కానీ ఈ సినిమాలో మూడు పాత్రలు పోషిస్తున్నారా ? లేదా ? అనేది తెలియరావడం లేదు. బాబీ దర్శకత్వంలో ఈ చిత్రం తెరకెక్కుతోంది.

Don't Miss