గులాబీ బాస్ మళ్లీ ఆయనే...

10:17 - April 21, 2017

మేడ్చల్ : టీఆర్ఎస్ పార్టీ అధ్యక్షడిగా కేసీఆర్ మరోసారి ఎంపికయ్యారు. తెలంగాణ భవన్ లో ఆయన పేరును ఎన్నికల అధికారిగా వ్యవహరించిన నాయినీ ప్రకటించారు. మొత్తం దాఖలైన 12 సెట్లలో ఆయన పేరును ఏకగ్రీవంగా ఆమోదించారని, అందుకే ఆయన్ను టీఆర్ఎస్ అధ్యక్షుడిగా ఎన్నుకున్నట్లు వెల్లడించారు. అనంతరం నేతలు స్వీట్లు ఒకరినొకరు తినిపించుకున్నారు.
ఇదిలా ఉంటే కొంపల్లిలో టీఆర్ఎస్ ప్లీనరీ సమావేశానికి సర్వం సిద్ధమైంది. ఈ సమావేశంలో కేసీఆర్ ప్రారంభ ఉపన్యాసం చేయనున్నారు. ప్లీనరీలో 7 తీర్మానాలను ఆమోదించనున్నారు. తీర్మానాల్లో 1.సంక్షేమంలో స్వర్ణయుగం. 2. నీటిపారుదల వ్యవసాయంలో నూతన అధ్యాయం. 3. గ్రామీణాశివృద్ధి వ్యవస్థ పరిపుష్టం, వృత్తిపనులకు ప్రోత్సాహం. 4.విద్యుత్ రంగంలో విజయం, పెట్టుబడుల ఆకర్షణ, పరిశ్రమల స్థాపన. 5.వినూత్న విధానాలు, ప్రగతికాముక పథకాలు. 6. తాగునీటి సమస్య తీర్చే మిషన్ భగీరథ. 7.సామాజిక సమస్యలపై సమరం తీర్మానాలున్నాయి. సాయంత్రం 5.30కు కేసీఆర్ ముగింపు ఉపన్యాసం ఇవ్వనున్నారు.

Don't Miss