డీకే అరుణ ఒళ్లు దగ్గర పెట్టుకో - కేసీఆర్...

17:34 - October 5, 2018

వనపర్తి : తెలంగాణ రాష్ట్ర అపద్దర్మ ముఖ్యమంత్రి కేసీఆర్ మరోసారి విపక్షాలపై విమర్శల వర్షం గురిపించారు. మాటల తూటాలు పెంచుతున్నారు. ప్రధానంగా కాంగ్రెస్, టీడీపీ పార్టీల నేతలను ఎండగడుతున్నారు. ప్రజా ఆశీర్వాద సభలో కేసీఆర్ ప్రసంగాలపై విపక్షాలు మండిపడుతున్నాయి. దీనితో తెలంగాణ రాష్ట్రంలో రాజకీయ వేడి రగులుకుంది. తాజాగా వనపర్తిలో జరిగిన ప్రజా ఆశీర్వాద సభలో కాంగ్రెస్‌పై విమర్శలు గుప్పించారు. 

టీడీపీ, కాంగ్రెస్ పార్టీలు 58 ఏళ్లు పాలించాయని, రైతు గురించి ఏ ప్రభుత్వం ఆలోచన చేయలేదని కేసీఆర్ తెలిపారు. శాసనసభలో బండారం బయటపడుతుందని కాంగ్రెస్ వాళ్లు పరారయ్యారని, ఏ నది ఎక్కడుందో కాంగ్రెస్‌ళ్లోకి తెలియదని తెలిపారు. పోతరెడ్డి పాడుకు పొక్క పెట్టింది రాజశేఖరరెడ్డి అని, కాంగ్రెస్ నేత డీకే అరుణ విమర్శలు చేశారని, డీకే అరుణ సిగ్గు లేకుండా రఘువీరారెడ్డికి హారతి తిప్పిందని విమర్శించారు. ఒళ్లు దగ్గర పెట్టుకుని మాట్లడాలని, పోతరెడ్డిపాడుకు పొక్క పెడితే టీఆర్ఎస్ మంత్రులు రాజీనామాలు చేయడం జరిగిందన్నారు. 

Don't Miss