కలుకోవ సర్పంచ్‌ అవినీతిని వ్యతిరేకంగా గ్రామస్థులు ధర్నా

19:38 - April 25, 2018

సూర్యాపేట : జిల్లా మునగాల మండలం కలుకోవ సర్పంచ్‌ చిర్రా శ్రీనివాస్‌ అవినీతికి వ్యతిరేకంగా గ్రామస్థులు తిరుగుబాటు చేశారు. లక్షల రూపాయల అవినీతికి పాల్పడ్డ సర్పంచ్‌ని వెంటనే సస్పెండ్‌ చేయాలని డిమాండ్‌ చేస్తూ సీపీఎం ఆధ్వర్యంలో  కలెక్టరేట్‌ వద్ద ధర్నా నిర్వహించారు. సర్పంచ్‌పై జిల్లా అధికారులకు ఫిర్యాదు చేశారు. కలుకోవలో పుచ్చలపల్లి సుందరయ్య పేరుతో ఏర్పాటు చేసిన రక్షిత మంచినీటి సరఫరా పథకానికి నీటి సరఫరా నిలిపివేసిన సర్పంచ్‌ శ్రీనివాస్‌ చర్యను ప్రజలు తప్పు పట్టారు. ఈ విషయాలను ప్రశ్నించిన సీపీఎం నాయకులపై సర్పంచ్‌ కక్షపూరితంగా వ్యవహరిస్తున్నారని ఆగ్రహం వ్యక్తం చేశారు. అవినీతి సొమ్మును సర్పంచ్‌ నుంచి రికవరీ చేసి, పుచ్చలపల్లి సుందరయ్య వాటర్‌ ప్లాంట్‌కు వెంటనే నీటి సరఫరాను పునరుద్ధరించాలని డిమాండ్‌ చేశారు. 

 

Don't Miss