‘కాటమరాయుడు' థర్డ్ సాంగ్..

18:39 - March 12, 2017

పవర్ స్టార్ 'పవన్ కళ్యాణ్' నటిస్తున్న 'కాటమరాయుడు' రికార్డులు నెలకోల్పోతుంది. ఇటీవలే చిత్ర టీజర్ కు విశేష స్పందన వచ్చిన సంగతి తెలిసిందే. ఈ చిత్ర పాటలను రెండు రోజులకొకసారి యూ ట్యూబ్ లో విడుదల చేస్తున్న సంగతి తెలిసిందే. ఇప్పటికే రెండు పాటలను విడుదల చేసిన చిత్ర యూనిట్ తాజాగా మూడో పాటను విడుదల చేశారు. ‘రాజులైనా, బంటులైనా.. కూలి అయినా, యాపారులైనా’..అని సాగే ఈ పాట మాస్‌ ఆడియన్స్‌ను ఆకట్టుకునేలా ఉంది. డాలీ దర్శకత్వంలో ఈ చిత్రం తెరకెక్కుతోంది. ఫిబ్రవరి 4న యూట్యూబ్‌లో విడుదలైన ఈ టీజర్‌ ఆదివారానికి కోటి వ్యూస్‌ను క్రాస్‌ చేయగా, 2.52 లక్షల మంది లైక్‌లు పొందింది. పవన్‌కల్యాణ్‌ కెరీర్‌లోనే అత్యధిక వ్యూస్‌ సాధించిన టీజర్‌గా ఇది నిలిచినట్లు సమాచారం. నార్త్‌స్టార్‌ ఎంటర్‌టైన్‌మెంట్‌ పతాకంపై శరత్‌మరార్‌ నిర్మిస్తున్న ఈ చిత్రంలో శ్రుతిహాసన్‌ కథానాయికగా నటిస్తున్నారు. శివ బాలాజీ, అజయ్‌, కమల్‌ కామరాజు, అలీ తదితరులు చిత్రంలో కీలక పాత్రలు పోషిస్తున్నారు.

Don't Miss