రెండు నెలల్లో ఇంటింటికీ మంచినీరు..

19:13 - October 4, 2018

నల్లగొండ :  ప్రజాశీర్వాద సభలో పాల్గొన్న కేసీఆర్ ముందస్తు ఎన్నికల నేపథ్యంలో జిల్లా ప్రజలల్లో చైతన్యాన్ని మరోసారి రగిలించేందుకు పూనుకున్నారు. ఇంటింటికీ రెండు నెలల్లో నీళ్లు రాబోతున్నాయి. అసెంబ్లీలో చెప్పిన మాట నెరవేరబోతుంది అని కేసీఆర్ స్పష్టం చేశారు. కరెంట్ కష్టాలు, ఫ్లోరైడ్ సమస్య, కూలిపోయిన కులవృత్తులు, రైతులు, చేనేతల ఆత్మహత్యలు వంటి పలు సంక్షోభాల నుండి కూలిపోతున్న బతుకుల్ని స్వంత రాష్ట్రంలో సొంత పాలనలో నిలబెట్టుకున్నామని కేసీఆర్ మరోసారి ప్రజల్లో ఉద్వేగాన్ని నింపారు.  పోచంపల్లిలో ఏడుగురు చేనేత కార్మికులు చనిపోతే తానే స్వయంగా వచ్చి.. రూ. 50 వేలు ఇవ్వమంటే ఆనాడు పాలకులు ఇవ్వలేదనీ..మరలా గతకాలపు పాలకులపై విమర్శల వర్షం కురిపించారు. బోర్లు వేసి వేసి బొర్లా పడ్డ పరిస్థితి, ఆత్మహత్యలు చేసుకునే చేనేత కార్మికులు. ధైర్యంగా ప్రయాణం ప్రారంభించాం. కరెంట్ సమస్య అన్ని వర్గాలను పట్టిపీడించింది. ఐదారు నెలల్లోనే కరెంట్ సమస్యను పరిష్కరించుకున్నాం. 24 గంటలు రైతాంగానికి కరెంట్ ఇచ్చే రాష్ట్రం తెలంగాణ ఒక్కటే. అన్ని రంగాలకు 24 గంటల కరెంట్ ఇవ్వగలుగుతున్నామనీ..మంచినీళ్ల సమస్య పరిష్కారం కావాటానికి మిషన్ భగీరథ 1,50,000 కిలోమీటర్లు, 12 వేల క్లియరెన్స్‌లు దాటుకొని 99 శాతం పూర్తి  అయిందని కేసీఆర్ తెలిపారు.

Don't Miss