విమానం హైజాక్‌ అంటూ ముప్పతిప్పలు పెట్టిన వంశీకృష్ణ అరెస్టు

15:41 - April 20, 2017

హైదరాబాద్ : విమానం హైజాక్‌ అంటూ పోలీసులను ముప్పతిప్పలు పెట్టిన హైదరాబాద్‌ మియాపూర్‌కు చెందిన వంశీకృష్ణను వెస్ట్‌ జోన్‌ టాస్క్‌ ఫోర్సు పోలీసులు అరెస్టు చేశారు. విమానం హైజాక్‌ చేసేందుకు ఒక ముఠా హోటల్‌ బుక్‌ చేసుకుందని వంశీకృష్ణ ముంబై పోలీసు కమిషనర్‌కు తప్పుడు మెయిల్‌ పంపాడు. ఒక మహిళ పేరిట పంపిన ఈ మెయిల్‌లో విమానం హైజాక్‌ కు కుట్ర పన్నిన ముఠాను అరెస్టు చేయాల కోరాడు. ఇదంతా నిజమనుకుని పోలీసులు నానా హైరానా పడ్డారు. చివరకు ఆరా తీస్తే తప్పుడు సమాచారమని తేలింది. దీంతో రంగంలోకి దిగిన పోలీసులు... ఒక మహిళ కోసం వంశీకృష్ణ ఈ నాటకం ఆడినట్టు తేల్చిన పోలీసులు, ఇంటర్నెట్‌ ప్రొటోకాల్‌ అడ్రస్‌ ఆధారంగా వంశీకృష్ణను అరెస్టు చేశారు. 

Don't Miss