ఆగస్టు ఫస్ట్ వీక్ లో 'లై' టీజర్..

09:45 - July 31, 2017

టాలీవుడ్ యంగ్ హీరో 'నితిన్' తాజా చిత్రం 'లై' సినిమా షూటింగ్ శరవేగంగా కొనసాగుతోంది. ఎక్కువ భాగం విదేశాల్లో షూటింగ్ జరుపుకున్న ఈ చిత్రంపై భారీ అంచనాలు నెలకొంటున్నాయి. హను రాఘవపూడి దర్శకత్వంలో ఈ సినిమా రూపొందుతోంది. నితీన్ సరసన మేఘ ఆకాష్ హీరోయిన్ గా నటిస్తోంది.

యాక్షన్ ప్రధానంగా చిత్రం ఉంటుందని అందరికీ వినోదాన్ని కలిగిస్తుందని నిర్మాతలు పేర్కొన్నారు. ఇటీవలే విడుదలైన పాటలు..టీజర్ కు భారీ రస్పాన్స్ వస్తోందని, ఆగస్టు 11న చిత్రం విడుదల చేస్తామన్నారు. వైవిధ్యమైన పాత్రలు ఎంచుకుంటూ ముందుకెళుతున్న 'నితిన్' ‘లై' చిత్రంలో మరోసారి భిన్నంగా కనిపించనున్నాడని టాక్. ఈ సినిమా పోస్టర్స్..టీజర్ చూస్తుంటే నిజమనిపిస్తోంది. 'నితిన్' కు విలన్ గా యాక్షన్ కింగ్ 'అర్జున్' నటిస్తుండడం ప్రాధాన్యత సంతరించుకుంది. ఇదిలా ఉంటే ఆగస్టు మొదటి వారంలో ట్రైలర్ రిలీజ్ చేయనున్నారని తెలుస్తోంది. 

Don't Miss