విచారణకు హాజరైన ఎమ్మెల్యే గోవర్దన్‌రెడ్డి

20:08 - January 7, 2017

నెల్లూరు : టీడీపీ ఎమ్మెల్సీ సోమిరెడ్డి చంద్రమోహన్‌రెడ్డిపై చేసిన అవినీతి ఆరోపణల కేసులో నెల్లూరు జిల్లా సర్వేపల్లి ఎమ్మెల్యే కాకాని గోవర్దన్‌రెడ్డి రూరల్‌ పోలీసు స్టేషన్‌లో జరిగిన విచారణకు హాజరయ్యారు. గోవర్దన్‌రెడ్డి తప్పుడు పత్రాలు సృష్టించి తనపై అవినీతి ఆరోపణలు చేశారంటూ సోమిరెడ్డి  పోలీసు స్టేషన్‌లో ఫిర్యాదు చేశారు. దీంతో తనను అరెస్టు చేయొద్దని పోలీసులను ఆదేశించాలని కోరుతూ గోవర్దన్‌రెడ్డి హైకోర్టును ఆశ్రయించారు. ఈ నెల 17 వరకు గోవర్దన్‌రెడ్డిని అరెస్టు చేయొద్దని నెల్లూరు జిల్లా పోలీసులు ఆదేశించిన హైకోర్టు, ఠాణాలో జరిగే విచారణకు హాజరు కావాలని కోరింది. హైకోర్టు ఆదేశాలను పాటిస్తూ గోవర్దన్‌రెడ్డి రూరల్‌ పోలీసు స్టేషన్‌లో జరిగిన విచారణకు హాజరయ్యారు.

 

Don't Miss