కడపలో కొనసాగుతున్న స్థానిక సంస్థల కోటా ఎమ్మెల్సీ పోలింగ్‌

12:00 - March 17, 2017

కడప : స్థానిక సంస్థల కోటా ఎమ్మెల్సీ పోలింగ్‌ కొనసాగుతోంది. కట్టుదిట్టమైన భద్రతా ఏర్పాట్ల నడుమ కడప జిల్లా స్థానిక సంస్థల ఎమ్మెల్సీ ఎన్నిక పోలింగ్ కొనసాగుతోంది. కడప,జమ్మలమడుగు,రాజంపేటలలో ఏర్పాటు చేసిన పోలింగ్ కేంద్రాలలో ఉదయం 8గంటలకు పోలింగ్ ప్రారంభమైంది. తమ శిబిరాల నుంచి ఇరు పార్టీల ఓటర్లు బస్సులలో పోలింగ్ కేంద్రాలకు నేరుగా చేరుకున్నారు. ఓటర్లను క్షుణ్ణంగా తనీఖీ చేసిన అనంతరం పోలింగ్ కేంద్రాలలోకి పంపుతున్నారు. గతంలో ఎన్నడూ లేని విధంగా పోలింగ్ కేంద్రాల వద్ద మూడంచెల భద్రతా ఏర్పాట్లు చేసి సీసీ కెమెరాలతో నిరంతరం పర్యవేక్షణ చేస్తున్నారు. సాయంత్రం 4గంటల వరకు పోలింగ్ జరగనున్న నేపథ్యంలో ఇరు పార్టీల ఓటర్లు తమ నాయకుల పర్యవేక్షణలో పోలింగ్ కేంద్రాలకు చేరుకుని ఓటు హక్కు వినియోగించుకుంటున్నారు. కడపలో కొనసాగుతున్న స్థానిక సంస్థల కోటా ఎమ్మెల్సీ ఎన్నికల పోలింగ్‌ ప్రశాంతంగా కొనసాగుతోంది. 

 

Don't Miss