'రేవంత్ తో చర్చలు ఏందీ..అబద్దాల కోరు'

17:26 - January 11, 2018

హైదరాబాద్ : 24 గంటల విద్యుత్ అంశంపై టి.కాంగ్రెస్ నేత రేవంత్ రెడ్డి..టీఆర్ఎస్ నేతల మధ్య మాటల తూటాలు పేలుతున్నాయి. విద్యుత్ వెలుగుల వెనుక అక్రమాలు చోటు చేసుకున్నాయని, దీనిపై చర్చకు సిద్ధమని రేవంత్ ప్రకటించారు. గురువారం ఎంపీ బాల్క సుమన్ స్పందించారు. రేవంత్ పై ఘాటు వ్యాఖ్యలు చేశారు. రేవంత్ ఒక అబద్దాల కోరు..నోట్ల కట్టలతో దొంగగా దొరికిపోయాడు..దిగజారుడు రాజకీయాలకు చెందిన వ్యక్తి..పచ్చి అబద్దాలు మాట్లాడిన వ్యక్తి అంటూ అభివర్ణించారు. ఆయనతో చర్చించలేంటీ అని ప్రశ్నించారు. ఆయనతో చర్చించే దానికంటే ప్రదేశ్ కాంగ్రెస్ కమిటీ అధ్యక్షుడు ఉత్తమ్..సీఎల్పీ నేత జానారెడ్డి వస్తారా ? అని తెలిపారు. రేవంత్ రెడ్డి చెప్పినవన్నీ అబద్దాలేనని తాము బుధవారం చెప్పడం జరిగిందన్నారు. ఈ విషయాలు చెప్పకుండా రాత్రి ప్రెస్ నోట్ ను రేవంత్ విడుదల చేశాడని, అనుభవం లేని వారితో ఎందుకు చర్చిస్తామని పేర్కొన్నారు. భద్రాద్రి థర్మల్ విషయంలో ఇద్దరిపై మాత్రమే కేసు నమోదైందని తెలిపారు. 

Don't Miss