' ఐయామ్ వెయిటింగ్' డైలాగ్ ఇష్టమన్న మహేష్..

10:24 - September 10, 2017

‘ఐయామ్ వెయిటింగ్' అనే డైలాగ్ తనకెంతో ఇష్టమని టాలీవుడ్ ప్రిన్స్ 'మహేష్ బాబు' వ్యాఖ్యానించారు. తమిళంలో 'కత్తి' సినిమా రూపొందిన సంగతి తెలిసిందే. ఇందులో 'హీరో' ఈ డైలాగ్ పలుకుతాడు. తెలుగులో మెగాస్టార్ 'చిరంజీవి' ‘ఖైదీ నెంబర్150’ గా రీమెక్ అయ్యింది. విజయ్ ‘కత్తి' సినిమాను రీమెక్ చేయాలని అనుకున్నట్లు..కొన్ని కారణాల వల్ల అది సాధ్యం కాలేదన్నారు.

ప్రిన్స్ 'మహేష్ బాబు' నటించిన 'స్పైడర్' చిత్రం వేడుకలు శనివారం రాత్రి చెన్నైలో ఘనంగా జరిగాయి. కలైలవానర్ ఆరంగం ప్రాంగణంలో జరిగిన ఈ వేడుకల్లో 'మహేష్' అభిమానులు సందడి చేశారు. మురుగదాస్ దర్శకత్వంలో ప్రతిష్టాత్మకంగా ఈ సినిమా రూపొందింది. తెలుగు, తమిళ భాషల్లో విడుదలయ్యే ఈ ఆడియో వేడుకకు అతిరథ మహారథులు వస్తారని ప్రచారం జరిగినా ఎవరూ రాలేదు. హీరో విశాల్ స్పెషల్ గెస్ట్ గా వచ్చి మహేష్ ని సాదరంగా తమిళ పరిశ్రమకి ఆహ్వానించడం ఆకట్టుకుంది.

మురుగదాస్, హీరోయిన్ రకూల్ ప్రీత్ సింగ్, మహేష్ బాబు..చిత్ర బృందం వేడుకల్లో పాల్గొన్నారు. తెలుగు వేడుక హైదరాబాద్ లో ఈనెల 15 గ్రాండ్ గా నిర్వహించబోతున్నారు. మరో 17 రోజుల్లో ప్రిన్స్ దండయాత్ర స్టార్ట్ కాబోతోంది.  

Don't Miss