వర్మతో చేయాలని ఉందన్న సూపర్ స్టార్..

10:48 - April 20, 2017

రాంగోపాల్ వర్మతో సినిమా చేయాలని ఉందని మలయాళ సూపర్ స్టార్ తన అభిమతాన్ని తెలిపారు. వివాదస్పద వ్యాఖ్యలు చేస్తూ వార్తల్లో ఎక్కే వర్మ పలు సినిమాలను తెరకెక్కిస్తున్నాడు. కానీ ఆ చిత్రాలు ఆశించిన స్థాయిలో ప్రేక్షకాదరణ పొందడం లేదు. దీనితో పలువురు హీరోలు వర్మపై ఆసక్తిని కనబరుస్తుండడం లేదని తెలుస్తోంది. ప్రస్తుతం బిగ్ బి అమితాబ్ బచ్చన్ ప్రధాన పాత్రలో 'సర్కార్ 3’ చిత్రం రూపొందుతోంది. ఇదిలా ఉంటే మలయాళ సూపర్ స్టార్ మోహన్ లాల్ మాత్రం 'వర్మ'తో సినిమా చేయాలని ఉందని పేర్కొనడం ప్రాధాన్యత సంతరించుకుంది. మలయాళంలో వరుస విజయాలతో ‘మోహన్ లాల్’ దూసుకపోతున్న సంగతి తెలిసిందే. ఈ మధ్య తెలుగు సినిమాలపై కూడా ప్రత్యేక శ్రద్ధ కనబరుస్తున్నారు. ఆయన నటించిన పలు సినిమాలు తెలుగులో విడుదలవుతున్నాయి. అంతేగాకుండా ప్రముఖ హీరోల సినిమాల్లో ఆయన నటించి మెప్పిస్తున్నారు. బాలీవుడ్ పై కూడా ప్రత్యేక దృష్టి పెట్టాలనుకున్నారేమో 'వర్మ' దర్శకత్వంలో చేయడానికి తనకి ఎలాంటి అభ్యంతరం లేదని చెప్పారు. గతంలో వర్మ సినిమా 'కంపెనీ' లో మోహన్ లాల్ నటించిన సంగతి తెలిసిందే. మరి వర్మ ఎలా స్పందిస్తారో వేచి చూడాలి.

Don't Miss