లంచాలు ఇవ్వవద్దన్న మంత్రి హరీష్..

17:43 - December 13, 2016

సిద్ధిపేట : అవినీతి రహిత సమాజానికి ప్రతి ఒక్కరూ సహకరించాలని తెలంగాణ మంత్రి హరీశ్‌రావు కోరారు. అధికారులెవరైనా లంచాలు అడిగితే కఠిన చర్యలు తీసుకుంటామని హెచ్చరించారు. ప్రజలు కూడా ఎవరికీ లంచాలు ఇవ్వవద్దని సూచించారు. సిద్ధిపేట జిల్లాలోని మిట్టపల్లి, నర్మెట, హుస్నాబాద్‌లో పర్యటించిన హరీశ్‌రావు... పలు అభివృద్ధి, సంక్షేమ కార్యక్రమాలను ప్రారంభించారు. మిట్టపల్లి రెసిడెన్షియల్‌ స్కూల్‌ విద్యార్ధులకు దుప్పట్లు పంపిణీ చేశారు. సిద్ధిపేటలో ఏర్పాటు చేసిన సభలో జీవో నంబర్‌ -59 కింద లబ్దిదారులకు పట్టాలు అందజేశారు. 

Don't Miss