అభివృద్ధికి కేంద్రం మోకాలడ్డు : మంత్రి కేటీఆర్

13:22 - May 1, 2018

మేడ్చల్‌ : రాష్ట్రంలో తలపెట్టిన అభివృద్ధి కార్యక్రమాలకు కేంద్ర ప్రభుత్వం మోకాలడ్డుతుందని మంత్రి కేటీఆర్ విమర్శించారు. జిల్లాలోని కండ్లకోయ దగ్గర ఔటర్‌ రింగ్‌రోడ్డు ఇంటర్‌ చేంజ్‌ను మంత్రి కేటీఆర్ ప్రారంభించారు. రెండు స్కైవేలు నిర్మిస్తే నగరంలో ట్రాఫిక్ తగ్గుతుందన్నారు. అందుకు వంద ఎకరాల రక్షణ శాఖ స్థలం కావాలని 
కేంద్రాన్ని అడిగితే వాటికి తగిన భూమి ఇవ్వాలని కోరగా ఆరు వందల ఎకరాలు ఇస్తామని చెప్పామన్నారు. అయినా స్థలం ఇవ్వకుండా కేంద్రం మోకాలడ్డుతుందన్నారు. ఔటర్ రింగు రోడ్డులోపల ఉండే గ్రామాలు మున్సిపాలిటీగా మారాయని అన్నారు. హైదరాబాద్ నగరానికి గోదావరి, కృష్ణా నదుల నుంచి నీటిని తీసుకొస్తున్నామని చెప్పారు. కేశవాపురం వద్ద పది టీఎంసీల వాటర్ ప్లాంట్ ను ఏర్పాటు చేయనున్నట్లు తెలిపారు. హైదరాబాద్ లో ట్రాఫిక్ సమస్యను అధిగమించేందుకు ఎస్ ఆర్ డీపీ పేరిట
ప్రాజెక్టు చేపడుతున్నట్లు తెలిపారు. 

Don't Miss