తిట్టుకొనడమేనా ? చేసేదేమైనా ఉందా ?

07:09 - April 4, 2018

కొత్తగూడెం / కరీంనగర్ : తెలంగాణ విషయంలో కాంగ్రెస్‌ది మోసాల చరిత్రని మంత్రి కేటీఆర్ మండిపడ్డారు. తెలంగాణ ప్రజలను పిట్టల్లా కాల్చి చంపిన చరిత్ర కాంగ్రెస్‌దే నన్నారు. భద్రాద్రి కొత్తగూడెం మణుగూరులో ప్రగతిసభలో పాల్గొన్న కేటీఆర్‌ కాంగ్రెస్ పార్టీపై నిప్పులు చెరిగారు. ముల్కీ రూల్స్ విషయంలో ఇందిరాగాంధీ తెలంగాణకు అన్యాయం చేశారన్నారు. కేసీఆర్ నాయకత్వంలో ప్రజలంతా తిరగబడితే తప్పనిసరి పరిస్థితుల్లోనే కాంగ్రెస్ తెలంగాణ ఇచ్చిందని చెప్పారు. తెలంగాణకు కాంగ్రెస్ ఒరగబెట్టిందేమి లేదన్న కేటీఆర్‌... దేశంలో 24 గంటలు కరెంట్ ఇస్తున్న ఏకైక రాష్ట్రం తెలంగాణేనని అన్నారు. పూర్వ ఖమ్మం జిల్లాలో 10 లక్షల ఎకరాలకు సాగునీరు అందించి తీరుతామని కేటీఆర్ వెల్లడించారు.

టీఆర్‌ఎస్‌ ప్రభుత్వంపై పీసీసీ అధ్యక్షుడు ఉత్తమ్‌కుమార్‌రెడ్డి ఫైర్‌ అయ్యారు. గత నాలుగేళ్ల కేసీఆర్‌ పాలనలో తెలంగాణకు అన్యాయమే జరిగిందన్నారు. ప్రజాచైతన్య యాత్రలో భాగంగా కరీంనగర్‌జిల్లా మంథనిలో జరిగిన భారీ బహిరంసభలో ఉత్తమ్‌ మాట్లాడారు.  

Don't Miss