మోటోరోలా న్యూ స్మార్ట్ ఫోన్ అవుటాఫ్ స్టాక్..

19:42 - October 6, 2018

ఢిల్లీ : ఆన్ లైన్ అమ్మకాలలో అన్నింటికంటే ఎక్కువగా సేల్ అయ్యేవి స్మార్ట్ ఐటెమ్సే. వీటిలో స్మార్ట్ ఫోన్స్ దే మొదటిస్థానం. కొత్త ఫోన్ వచ్చిందంటే చాలు వినియోగదారులు ఆన్ లైన్ లోనే వుంటారు. ఆన్ లైన్ దిగ్గజం ఫిప్ కార్ట్ లో ఈ హవా కొనసాగుతునే వుంటుంది. దీంతో మోటోరోలా తన నూతన స్మార్ట్‌ఫోన్ వన్ పవర్‌ను ఈ మధ్యే విడుదల చేసిన విషయం విదితమే. కాగా ఈ ఫోన్‌కు గాను నిన్న మధ్యాహ్నం 12 గంటలకు ఫ్లిప్‌కార్ట్‌లో మొదటి సేల్‌ను నిర్వహించారు. అయితే సేల్ ప్రారంభమైన కొన్ని నిమిషాల్లోనే అవుట్ ఆఫ్ స్టాక్ మెసేజ్ యూజర్లకు దర్శనమిస్తుంది. ఈ క్రమంలో ఈ ఫోన్‌కు వినియోగదారుల నుంచి భారీ ఎత్తున స్పందన లభించింది. సేల్‌లో భాగంగా ఒక సెకన్‌కు 100 మోటో వన్ పవర్ ఫోన్లు అమ్ముడయ్యాయని మోటోరోలా ఒక ప్రకటనలో తెలిపింది. ఇక ఈ ఫోన్‌కు గాను ఈ నెల 11వ తేదీన అర్ధరాత్రి 12 గంటలకు రెండో సేల్‌ను నిర్వహిస్తామని మోటోరోలా వెల్లడించింది. ఫ్లిప్‌కార్ట్ బిగ్ బిలియన్ డేస్ సేల్‌లో భాగంగానే ఈ ఫోన్‌ను సేల్‌కు ఉంచినట్లు మోటోరోలా ప్రతినిధి తెలిపారు. 

Don't Miss