బీజేపీ అన్నిరంగాల్లో విఫలం : బివి.రాఘవులు

13:39 - February 6, 2018

నల్గొండ : బీజేపీ అన్ని రంగాల్లో వైఫల్యం చెందిందని సీపీఎం పొలిట్ బ్యూరో సభ్యులు బివి.రాఘవులు విమర్శించారు. నల్గొండలో ఆయన మీడియాతో మాట్లాడారు. పార్లమెంట్ లో బీజేపీ నేతలు ఎన్నికల ప్రసంగం చేస్తున్నారని తెలిపారు. బీజేపీ నేతలు తమ వైఫల్యాలను కప్పి పుచ్చుకునేందుకు పకోడీ రాజకీయాలను ముందుకు తీసుకొచ్చారని ఎద్దేవా చేశారు. ఉపాధి కల్పన, ఉద్యోగాలు సృష్టించడంలో బీజేపీ ఘోరంగా వైఫల్యం చెందిందని విమర్శించారు. రాష్ట్ర విజభన చట్టం హామీలు అమలు జరపడంలో కేంద్రం విఫలమైందన్నారు. ఇచ్చిన వాగ్ధానాలను బీజేపీ వమ్ము చేసిందన్నారు. ఏపీకి ఇచ్చిన విభజన హామీలు నెరవేర్చడంలో కేంద్రం విఫలం చెందిందన్నారు. ఏపీకి కేంద్రం మూడేళ్లలో చేసిందేమీ లేదని విమర్శించారు. కేంద్ర బడ్జెట్ లో తెలంగాణకు కూడా నిధులు ఇవ్వలేదన్నారు. గిరిజన యూనివర్సిటీ ఊసేలేదన్నారు. చంద్రబాబు, కేసీఆర్ లు కేంద్రంతో స్నేహం చేస్తూ.. నాలుగు సం.రాలు కాలక్షేపం చేశారని.. కేంద్రం హామీలను అమలు చేయించుకోవడంలో విఫలమయ్యారని పేర్కొన్నారు. ఇప్పుడు చంద్రబాబు నాటకం ఆడుతున్నారని చెప్పారు. కేసీఆర్ ఆ నాటకం కూడా చేయడం లేదన్నారు. కేంద్ర బడ్జెట్ పై సీఎం కేసీఆర్ స్పందించాలన్నారు. కేంద్రం ఏ ఏ వాగ్ధానాలు ఇచ్చిందో... వాటిలో ఎన్ని అమలు చేసిందో శ్వేతపత్రం విడుదల చేయాలని డిమాండ్ చేశారు. 

 

Don't Miss