ప్రజల కోసం మాట్లాడితే పాకిస్థాన్ కోసం మాట్లాడినట్లా?

10:14 - December 23, 2016

రాహుల్ వర్సెస్ మోడీ అన్నట్లుగా ఇద్దరి మధ్య మాటల యుద్ధం కొనసాగుతోంది. ఈ క్రమంలో .. ఉత్తరప్రదేశ్ ఎన్నికల సందర్భంగా ప్రధాని మోదీ వారణాసిలో పర్యటించారు. ఈ సందర్భంగా మోదీ రాహుల్ గాంధీపై సెటైర్లు వేశారు. కానీ రాహుల్ గాంధీ అనేపేరు ప్రస్తావించకుండా 'ఓ యువనేత ఇప్పుడిప్పుడే మాట్లాడటం నేర్చుకుంటున్నారు... ప్రసంగాలు ఇస్తున్నారు... అతను మాట్లాడటం నాకు చాలా సంతోషంగా ఉంది. ఆయన మాట్లాడకపోతేనే భూకంపం వచ్చేది.. ఇప్పుడు మాట్లాడారు కనుక భూకంపం వచ్చే అవకాశమే లేదని ప్రధాని మోదీ ఎద్దేవా చేశారు.మరో పక్క నోట్ల రద్దుపై మాట్లాడుతున్న ప్రతిపక్షాలను పాకిస్థాన్ తో పోలుస్తున్న మోదీ మాటలతో విపక్షాలు ఆగ్రహం వ్యక్తం చేస్తున్నాయి..ఈ అంశంపై టెన్ టీవీ న్యూస్ మార్నింగ్ లో చర్చను చేపట్టింది. ఈ చర్చలో పాల్గొన్న నవ తెలంగాణ ఎడిటర్ వీరయ్య మాట్లాడుతూ..అత్యున్నత చట్ట సభ అయిన పార్లమెంట్ లో మాట్లాడటానికి కూడా సిద్ధపడని ప్రధాని మోదీ కోట్లాదిమంది ప్రజల ఇబ్బందులకు ప్రజాప్రతినిథులుగా పార్లమెంట్ సమావేశాల్లో మాట్లాడుతుంటూ వారిని పాకిస్థానీయులతో పోల్చటం సరికాదన్నారు. ప్రజల కోసం మాట్లాడితే పాకిస్థాన్ కోసం మాట్లాడినట్లా? అని ప్రశ్నించారు. ఆయన చేసే ప్రతి పనీ అమెరికా కోసం చేస్తున్నట్లుగా వుందన్నారు. ఈ చర్చలో బీజేపీ నేత పాతూరి కరుణ పాల్గొన్నారు. మరి బీజేపీ నేత కరుణ ఎటువంటి అభిప్రాయాలను వెల్లడించారో ఈ వీడియో చూడండి..

 

Don't Miss