అక్టోబర్ 2నుండి ఇంటింటికి కాంగ్రెస్ - రఘువీరా...

10:58 - October 1, 2018

విజయవాడ : 2019 ఎన్నికలకు ప్రీ మెనిఫెస్టోను ఏపీపీసీసీ అధ్యక్షుడు రఘువీరా విడుదల చేశారు. ఈ సందర్భంగా ఆయన మాట్లాడుతూ అక్టోబర్ 2వ తేదీ నుండి ఇంటింటికి కాంగ్రెస్ కార్యక్రమం ప్రారంభించనున్నట్లు, శ్రీకాకుళం నుండి కార్యక్రమం ప్రారంభిస్తామన్నారు. నెల రోజుల్లో పూర్తి చేసేలా ప్రణాళిక రూపొందించామని, ప్రజలు ఇచ్చిన సలహాలు..సూచనలను పరిగణలోకి తీసుకోవడం జరుగుతుందన్నారు.  ఎన్నికల్లో ఇచ్చిన హామీలలో ఏ ఒక్కటీ బీజేపీ నెరవేర్చలేదన్నారు. ఇక టిడిపి విషయానికి వస్తే ఇచ్చిన హామీలను టిడిపి కూడా నెరవేర్చలేదని విమర్శించారు. వైసీపీ ఇప్పటికే ఆరు వేల హామీలిచ్చిందని గుర్తు చేశారు. ప్రత్యేక హోదాపై టిడిపి, వైసీపీ, బిజెపి పార్టీలు ముంచాయని, అధికారంలోకి రాగానే హామీల అమలుపై తొలి సంతకం, రైతుల రుణమాఫీపై మలి సంతకం పెడుతామన్నారు. ఇంటింటికి కాంగ్రెస్ కార్యక్రమం పూర్తయిన తరువాత మేనిఫెస్టోను విడుదల చేస్తామన్నారు. 

 

Don't Miss