విరాట్‌ కోహ్లీ ఫిట్‌నెస్‌ ఛాలెంజ్‌ను స్వీకరించిన ప్రధాని మోది

12:45 - June 13, 2018

ఢిల్లీ : ఆరోగ్యంగా ఉండాలంటే మీరు కూడా వ్యాయామం చేస్తూ ఫొటోలు, వీడియోలను హమ్‌ ఫిట్‌తో ఇండియాఫిట్‌ అనే హ్యాష్‌ట్యాగ్‌తో సోషల్‌మీడియాలో మీ సన్నిహితులతో పంచుకోండి అంటూ కేంద్ర క్రీడలశాఖ మంత్రి రాజ్యవర్థన్ సింగ్ రాథోడ్ ఫిట్‌నెస్ ఛాలెంజ్‌ను ప్రారంభించిన విషయం తెలిసిందే. ఈ ఛాలెంజ్‌లో పాల్గొనాలని విరాట్‌ కోహ్లీ విసిరిన సవాల్‌ను ఇప్పుడు ప్రధాని మోది స్వీకరించారు. తాజాగా మోదీ యోగాతో పాటు పలు శారీరక వ్యాయమాలు చేసిన 2 నిమిషాల నిడివిగల వీడియోను సోషల్ మీడియాలో మోదీ అప్‌లోడ్‌ చేశారు. అంతే కాదు కర్ణాటక ముఖ్యమంత్రి హెచ్‌డీ కుమారస్వామికి ఫిట్‌నెస్ ఛాలెంజ్‌ విసిరారు. 2018 కామన్వెల్త్ గేమ్స్‌లో వ్యక్తిగతంగా అత్యధిక మెడల్స్ సాధించిన టేబుల్ టెన్నిస్ క్రీడాకారిణి మనికా బత్రాతో పాటు ప్రత్యేకించి 40ఏళ్లు పైబడిన ధైర్యవంతులైన ఐపీఎస్ అధికారులందరికీ మోదీ సవాల్ విసిరారు. 

 

Don't Miss