కొవ్వూరులో గర్జించిన పవన్...

17:16 - October 10, 2018

పశ్చిమగోదావరి : మరోసారి జనసేన అధినత ఏపీ ప్రభుత్వాన్ని టార్గెట్ చేశారు. సీఎం చంద్రబాబు నాయుడు, మంత్రి జవహార్‌పై పలు ఆరోపణలు గుప్పించారు. అంబేద్కర్ ఆశయాలను గుండెల్లో నింపుకున్న వ్యక్తి నింపుకున్నానని, దళిత నాయకులై ఉన్న మంత్రి జవహార్ బెల్టుషాపులను ఎంకరైజ్ చేస్తున్నారని ఆరోపణలు గుప్పించారు. అణగారిన వర్గాలకు ఎలా న్యాయం జరుగుతుందని ప్రశ్నించారు. బాబొస్తే జాబు వస్తుందన్నారు కానీ ఉన్న ఫ్యాక్టరీలు మూసివేస్తున్నారని..మరి ఉద్యోగాలు ఎక్కడనుండి వస్తాయని ప్రశ్నించారు. 

గతంలో అరకులో పర్యటించిన సమయంలో తమ గ్రామంలో పర్యటించాలని గిరిజనులు కోరడం జరిగిందని, క్వారీలు ఇష్టమొచ్చినట్లుగా పలగొడుతున్నారని, ఈ సమస్యను పరిష్కరించాలని వారు కోరడం జరిగిందన్నారు. తాజా ఎమ్మెల్యే, మాజీ ఎమ్మెల్యేలను మావోయిస్టులు చంపేశారని..కానీ పరిస్థితిని ఇంతవరకు ఎందుకు తీసుకొచ్చారని తెలిపారు.  దీనిని బట్టి చూస్తే బాబు పరిపాలన ఎలా ఉంటుందో అర్థం చేసుకోవచ్చన్నారు. ఓటు రాజకీయాలు చేయడానికి రాలేదని...అర్థవంతమైన రాజకీయాలు చేయడానికి వచ్చానని తెలిపారు.

జిల్లాలో ఉన్న యువత తీవ్ర అసంతృప్తిలో ఉందని..నక్సలైట్లలో కలుస్తామని తనకు కొంతమంది చెప్పారని పేర్కొన్నారు. ఎవరూ ఆయుధాలు పట్టుకోవాలని అనుకోరని..దోపిడి..అవినీతి...ప్రజాస్వామ్యం ఖూనీ అవుతుంటే యువత ఎలా ఊరుకుంటారని..తప్పకుండా ఆయుధాలు పట్టుకుంటారని పేర్కొన్నారు. జాతి కోసం ఏమి త్యాగాలు చేశారని బాబును ఉద్దేశించి ప్రశ్నించారు. 

Don't Miss