కొండగట్టు ఆంజనేయస్వామిని దర్శించుకున్న పవన్‌ కల్యాణ్‌

16:48 - January 22, 2018

జగిత్యాల : జిల్లాలోని కొండగట్టు ఆంజనేయ స్వామి ఆలయాన్ని జనసేన అధినేత పవన్‌కల్యాణ్‌ దర్శించుకున్నారు. హైదరాబాద్‌ నుంచి పార్టీ ముఖ్యనేతలతో భారీ కాన్వాయ్‌తో కొండగట్టు చేరుకున్న పవన్‌కు అభిమానులు, జనసేన కార్యకర్తలు ఘనస్వాగతం పలికారు. ఆలయ అర్చకులు, అధికారులు ఆలయ సంప్రదాయాల ప్రకారం ఆయనకు స్వాగతం పలికి దర్శన ఏర్పాట్లు చేశారు. ఈ సందర్భంగా అంజనేయ స్వామికి పవన్‌ ప్రత్యేక పూజలు చేశారు. కొండగట్టు ఆలయ అభివృద్ధికి 11 లక్షల రూపాయల విరాళం ప్రకటించారు పవన్‌ కల్యాణ్‌. హైదరాబాద్‌ నుంచి కొండగట్టుకు చేరుకునే మార్గంలో పవన్‌ని చూసేందుకు అభిమానులు భారీగా తరలివచ్చారు. కొండగట్టు ఆంజనేయస్వామి దర్శనానంతరం పవన్‌ కరీంనగర్‌కు వెళ్లారు. కాసేపట్లో జనసేన కార్యకర్తలతో పవన్‌ కల్యాణ్‌ భేటీ కానున్నారు. మరిన్ని వివరాలను వీడియోలో చూద్దాం.. 

Don't Miss