కొండగట్టులో పవన్ ప్రత్యేక పూజలు

15:42 - January 22, 2018

జగిత్యాల : జనసేనాని పవన్‌ కల్యాణ్‌ కొండగట్టుకు చేరుకున్నారు. పవన్‌ అభిమానులు ఆయనకు కొండగట్టులో ఘన స్వాగతం పలికారు. కొండగట్టు ఆంజనేయస్వామిని పవన్ కళ్యాణ్ దర్శించుకున్నారు. ఆలయంలో ప్రత్యేక పూజలు నిర్వహించారు. ఆలయ అభివృద్ధికి రూ.11 లక్షలు ఇచ్చారు. మరోవైపు పవన్‌ కళ్యాణ్‌ కొండగట్టుకు చేరుకోవడంతో సందడి నెలకొంది. పవన్‌ను చూసేందుకు అభిమానులు, జనసేన కార్యకర్తలు భారీగా తరలివచ్చారు. ప్రత్యేక పూజల అనంతరం పవన్‌ కరీంనగర్‌ కు బయల్దేరారు. అక్కడ బస చేసిన తర్వాత జనసేన కార్యకర్తలతో ఆయన భేటీ అవుతారు. ఆ తర్వాత ప్రజాయాత్రకు శ్రీకారం చుడతారు. కరీంనగర్‌లో పవన్‌ కళ్యాణ్‌ ప్రజాయాత్ర చేయనున్నారు. మరిన్ని వివరాలను వీడియోలో చూద్దాం.. 

Don't Miss