బాహుబలి-2ని అడ్డుకోవద్దు.. ప్లీజ్..

15:38 - April 20, 2017

హైదరాబాద్: బాహుబలి 2 కన్నడ మూవీపై నిరసనల ప్రభావం పడకుండా రాజమౌళి ప్రయత్నాలు చేస్తున్నారు.. సోషల్‌ మీడియా పేజ్‌లో వీడియో పోస్ట్ చేసిన జక్కన్న... సినిమా రిలీజ్‌ను అడ్డుకోవద్దంటూ కన్నడ ప్రజలకు విజ్ఞప్తి చేశారు.. కన్నడలో మాట్లాడిన రాజమౌళి... తనకు కన్నడ భాష సరిగారాదని... ఏవైనా తప్పులుంటే క్షమించాలంటే మాటలు మొదలుపెట్టారు.. చాలాఏళ్లక్రితం సత్యరాజ్‌ చేసిన వ్యాఖ్యలకు నిరసనగా బాహుబలిని అడ్డుకోవద్దని కోరారు.. ఆ వ్యాఖ్యలు కేవలం సత్యరాజ్‌ వ్యక్తిగత అభిప్రాయంమాత్రమేనని స్పష్టం చేశారు.. ఆ విమర్శలతో బాహుబలి యూనిట్‌కు ఎలాంటి సంబంధంలేదని తేల్చిచెప్పారు.. సినిమాకోసం ఎంతో మంది నటీనటులు, సాంకేతిక నిపుణులు కష్టపడి పని చేశారని జక్కన్న చెప్పారు.. రిలీజ్ అడ్డుకుంటే అందరూ నష్టపోవాల్సి వస్తుందని ప్రజలకు విజ్ఞప్తి చేశారు.. బాహుబలి తొలి భాగాన్ని ఆదరించినట్టుగానే రెండో భాగాన్ని కూడా ఆదరించాలని కన్నడ ప్రజలను కోరారు..

Don't Miss