పోలీసు ఆడబిడ్డ కొత్త జీవితం...

09:32 - May 24, 2017

పెళ్లి చేసుకున్న భర్త గణేష్ కు అవకాశం రావడంతో దుబాయి పయనం..అత్తారింట్లో తన బాధ్యతలను నెరవేరుస్తోంది...అందరితో మమేకమై..తన కొత్త జీవితాన్ని తీర్చిదిద్దుకొంటోంది..కోడలు కాదని..ఈ ఇంటికి వచ్చిన కూతురని అత్తారింటి వారు పేర్కొంటున్నారు.



ఇద్దరు కూతుళ్ల పెళ్లిళ్లు చేసి అప్పుల పాలయ్యాడు. కొడుకును ప్రయోజకుడిని చేసేందుకు చేసిన అప్పులకు వడ్డీలు పెరుగుతున్నాయి. దుబాయికి పంపిస్తే దేశం కాని దేశంలో కొడుకు జైలు పాలయ్యాడు. వీటిని తట్టుకుని శక్తిని కూడదీసుకుంటున్న తరుణంలో తోడుగా ఉన్న భార్య అనారోగ్యంతో కన్నుమూసింది. విధి వెంటాడుతున్న తన బాధ్యతను నెరవేర్చాలనుకున్నాడు. చిన్న కూతురిని ఓ ఇంటిదానిని చేయాలని అనుకున్నాడు. మహూర్తం పెట్టుకున్నాడు..రోజులు దగ్గర పడుతున్నాయి. కానీ చేతికి మాత్రం డబ్బు అందలేదు. ఎక్కడ పెళ్లి ఆగిపోతుందన్న ఆందోళన..పరువు పోతుందన్న ఆవేదన...ఆ పెద్దాయన ఉసురు తీసింది..కానీ ఆ పెళ్లి మాత్రం ఆగిపోలేదు..ఆయన ఆత్మహత్య చేసుకున్నా తలపెట్టిన కార్యం మాత్రం నెరవేరింది. ఖాకీల వెనుక కాఠిన్యమే కాదు కారుణ్యం ఉందని నిరూపించారు. ఓ ఆడబిడ్డ జీవితాన్ని నిలబెట్టేందుకు కాప్స్ కన్యాదానం చేశారు. అత్తారింటిలో ప్రస్తుతం అమ్మాయి తన బాధ్యతలను నెరవేరుస్తోంది. కొత్త జీవితాన్ని తీర్చిదిద్దుకొంటోంది..కోడలు కాదని..ఈ ఇంటికి వచ్చిన కూతురని అత్తారింటి వారు పేర్కొంటున్నారు. అనూష పెళ్లి చేయాలన్న సంకల్పాన్ని సబ్ ఇన్ స్పెక్టర్ నరేష్ రెడ్డి నెరవేర్చారు. ఆమె జీవితాన్ని పూర్తిస్థాయిలో తీర్చిదిద్దే వరకు తోడుగా ఆమె కాపురం కలకలం సాఫీగా సాగుతూ ఆనందమయం కావాలని ప్రతొక్కరం కోరుకుందాం..మరింత సమాచారం కోసం వీడియో క్లిక్ చేయండి...

Don't Miss