14 మంది మావోయిస్టుల మృతి ?

12:32 - August 6, 2018

ఖమ్మం : ఛత్తీస్ గఢ్ లో భారీ ఎన్ కౌంటర్ చోటు చేసుకున్నట్లు వార్తలు వెలువడుతున్నాయి. పోలీసులు - మావోయిస్టుల మధ్య ఎదురు కాల్పులు చోటు చేసుకున్నాయి. 14 మంది మావోయిస్టులు మృతి చెందినట్లు తెలుస్తోంది. మావోయిస్టులపై కేంద్రం, రాష్ట్రాలు ఉక్కుపాదం మోపుతున్న విషయం తెలిసిందే. ఇటీవలే కాంకేర్ జిల్లాలో భారీ ఎన్ కౌంటర్ చోటు చేసుకున్న సంగతి తెలిసిందే. అనంతరం మరో భారీ ఎన్ కౌంటర్ సోమవారం చోటు చేసుకున్నట్లు సమాచారం.

ఇటీవలే మావోయిస్టు వారోత్సవాలు నిర్వహించిన సంగతి తెలిసిందే. ఆ రోజుల్లో పోలీసులు కూంబింగ్ నిర్వహించారు. గట్టి నిఘా ఏర్పాటు చేసిన పోలీసులు విశ్వసనీయ సమచారం మేరకు సోమవారం ఉదయం ఓ ప్రాంతంలో కూంబింగ్ నిర్వహించారు. మావోయిస్టులు ఎదురు పడడంతో కాల్పులు చోటు చేసుకున్నాయి. ప్రతిగా పోలీసులు జరిపిన కాల్పుల్లో 14 మంది మావోయిస్టులు మృతి చెందినట్లు తెలుస్తోంది. కానీ దీనిని పోలీసులు ధృవీకరించాల్సి ఉంది. 

Don't Miss