బాలింతలకు కొన్ని చిట్కాలు...

12:08 - August 7, 2016

తమ పిల్లలకు పాలు సరివడం లేదని కొంతమంది బాలింతలు మథనపడుతుంటారు. దీనితో పోత పాలు అలవాటు చేస్తుంటారు. కానీ ఇలా చేయడం మంచిది కాదని, పాలు ఎంత ఎక్కువ పడితే అంత ఎక్కువ పాలు ఉత్పత్తి అవుతాయని వైద్యులు పేర్కొంటున్నారు. ఇందుకు బాలింతలు కొన్ని చిట్కాలు పాటిస్తే సరిపోతుంది.
ఆముదం ఆకులపైన ఆముదాన్ని రాసి వేడిచేయాలి. వీటిని రొమ్ములకు కడితే ఫలితం కనిపిస్తుంది.
ఆవుపాలు, కర్బుజా పండు, పాలకూర, జీలకర్ర, బార్లీజావా, బొబ్బర్లు, తెలకపిండితో చేసిన కూర, మునగాకు కూరలు మంచి ఫలితాన్నిస్తాయి.
వాము కషాయం రోజు తేనేతో తీసుకోవాలి. తద్వారా చక్కగా పాలు పడడమే కాకుండా గర్భాశయం త్వరగా కుదించుకపోతుంది. అంతేగాకుండా గర్భాశయంలో నొప్పి కూడా తగ్గుతుంది.
దోరగా ఉన్న బొప్పాయిని తీసుకుని కూర వండుకోవాలి. ఈ కూరను తినడం వల్ల స్తన్య వృద్ధి చెందుతుంది.
మెంతుల కషాయం, మెంతికూర పప్పు ఎక్కువగా తీసుకోవాలి. వీటిని తీసుకోవడం వల్ల పాలు ఎక్కువగా పడుతాయి. 

Don't Miss