ఆలక పాలకమండలి వేధింపులు..పూజారి ఆత్మహత్య..

15:34 - October 3, 2018

తూర్పుగోదావరి :  స్వామివారికి నిత్యం పూజలు నిర్వహించే పూజారి..భక్తుల కోరికలను స్వామివారికి తెలుపుతు అర్చనలు చేసే అర్చకుడు ఆత్మహత్యకు పాల్పడ్డారు. ఆలయ పాలక మండలి తనను మానసికంగా వేధిస్తున్నారనీ ఓ అర్చకుడు ప్రాణాలు తీసుకున్నాడు. అర్చకత్వ బాధ్యతల నుంచి తప్పించారని ఆరోపిస్తూ పురుగుల మందు తాగాడు. దీంతో ఆయన్ని చికిత్స నిమిత్తం ఆసుపత్రికి తరలించగా..చికిత్స పొందుతూ ప్రాణాలు విడిచాడు. 
కోరుకొండ మండలం కణుపూరు శివాలయంలో మల్లికార్జున శర్మ గత 30 ఏళ్లుగా అర్చకత్వ బాధ్యతలు నిర్వహిస్తున్నారు. ఆలయ పాలక మండలి శర్మను ఇటీవల విధుల నుంచి తప్పించింది. ఈ నేపథ్యంలో నిన్న సెల్ఫీ సూసైడ్ వీడియోను శర్మ తీసుకున్నాడు. అందులో ఆలయ పాలకమండలి వేధింపుల కారణంగానే తాను చనిపోతున్నట్లు ఆరోపించాడు. పాలకమండలి  సభ్యులు పగబడ్డి తనను విధుల నుంచి తప్పించారని మల్లికార్జున శర్మ ఆవేదన వ్యక్తం చేశాడు.
తన ఆత్మహత్యకు కారకులైవారిపై కఠిన చర్యలు తీసుకోవాలని పోలీసులను కోరిన శర్మ.. వారి పేర్లను సెల్ఫీ వీడియోలో ప్రస్తావించాడు. అధికారులు సరైన చర్యలు తీసుకోకుంటే తన స్థానంలో వచ్చే ఎవరికైనా ఇదే గతి పడుతుందని హెచ్చరించాడు. గుప్త నిధుల తవ్వకాలు జరిపామని తనపై, తన కుంటుంబ సభ్యులపై నిందలు మోపిన వారిని విడిచిపెట్టొద్దని కోరాడు.

Don't Miss