రావూస్ స్కూల్ ఘటనపై ప్రభుత్వం సీరియస్‌

13:02 - September 11, 2017

సంగారెడ్డి : యూనిఫాం వేసుకురాలేదని స్కూల్ సిబ్బంది 5వ తరగతి విద్యార్ధినిని బాయిస్ టాయిలెట్‌లో గంట సేపు  నిలబెట్టిన ఘటనపై ప్రభుత్వం సీరియస్‌ అయ్యింది. స్కూలుకు నోటీసులు ఇవ్వమంటూ డిప్యూటీ సీఎం అధికారులకు ఆదేశాలు జారీ చేశారు. బీహెచ్ ఈఎల్ లోని రావూస్‌ హైస్కూల్‌లో ఓ విద్యార్ధిని యూనిఫాం వేసుకుని రాకుండా స్కూలుకు వచ్చింది. స్కూలు సిబ్బంది ఆమెను బాయిస్ టాయిలెట్‌లో గంటసేపు నిలబెట్టారు. దాంతో తీవ్ర మనస్తాపానికి గురైన విద్యార్ధిని స్కూలుకు వెళ్లనని ఆవేదన చెందడంతో విద్యార్ధిని తల్లిదండ్రులు ప్రిన్సిపాల్‌కు ఫిర్యాదు చేశారు. ప్రిన్సిపాల్ పట్టించుకోకపోవడంతో విద్యార్ధిని కుటుంబ సభ్యులు స్కూలు వద్ద ఆందోళనకు దిగారు. మరోవైపు బాలల హక్కుల సంఘానికి కూడా ఫిర్యాదు చేశారు. 

 

Don't Miss