ప్రియాంక చోప్రా నిర్మాతగా 'ఫైర్‌బ్రాండ్‌'..

17:47 - January 11, 2018

హైదరాబాద్ : ప్రియాంక చోప్రా నటిగా హాలీవుడ్‌లో తానేమిటో నిరూపించుకునే ప్రయత్నం చేస్తూనే, నిర్మాతగా ప్రాంతీయ భాషల్లో సినిమాలను నిర్మిస్తూ నూతన ప్రతిభను ప్రోత్సహిస్తోంది. 2016లో నిర్మించిన 'వెంటిలేటర్‌' మరాఠి చిత్రానికి మూడు జాతీయ అవార్డులు లభించాయి. అలాగే పలు అంతర్జాతీయ చలన చిత్రోత్సవాల్లోనూ ప్రదర్శితమై పురస్కారాలను దక్కించుకుంది. తాజాగా మరో మరాఠి చిత్రాన్ని సొంత సంస్థ పర్పుల్‌ పెబ్బుల్‌ పిక్చర్స్‌పై ప్రియాంక నిర్మిస్తోంది. 
'ఫైర్‌బ్రాండ్‌' టైటిల్‌తో తెరకెక్కించబోతున్న ఈ సినిమా మంగళవారం నుంచి షూటింగ్‌ ప్రారంభించుకుంది. ఈ చిత్రానికి అరుణ్‌రాజె దర్శకత్వం వహిస్తున్నారు. 'మరాఠిలో ఈ ఏడాది మరో సినిమాతో విజయ పరంపరను కొనసాగించబోతున్నాం. 'ఫైర్‌బ్రాండ్‌' పేరుతో నూతన సినిమాను నిర్మిస్తున్నాం. అమేజింగ్‌ స్టోరీతో దర్శకుడు అరుణ్‌రాజె ఈ చిత్రాన్ని రూపొందించనున్నారు. టీమ్‌ అందరికీ ఆల్‌ ది బెస్ట్‌' అంటూ ప్రియాంక ట్వీట్‌ చేసింది. 

Don't Miss