కోర్టు తీర్పు టీ.సర్కార్ కు చెంపపెట్టు : కోదండరాం

07:06 - January 6, 2017

నల్లగొండ : రాష్ట్ర ప్రభుత్వ జారీ చేసిన 123 వ నెంబర్‌ GOతో భూసేకరణ చేపట్టొదని ఉమ్మడి హైకోర్టు ఆదేశించడం పట్ల తెలంగాణ జేఏస ఈ చైర్మన్‌ కోదండరామ్‌ హర్షం వ్యక్తం చేశారు. తెలంగాణ ప్రభుత్వానికి ఇది చెంపపెట్టు అని వ్యాఖ్యానించారు. నల్గొండ టౌన్‌ హాల్లో జరిగిన ఆట, పాట కార్యక్రమంలో పాల్గొన్న కోదండరామ్‌ హైకోర్టు ఆదేశాలపై స్పందించారు. ప్రజా సంక్షేమాన్ని చూడాల్సిన ప్రభుత్వ వ్యాపార సంస్థగా మారకూడదని సూచించారు. 

123 జీవో ద్వారా భూసేకరణ చేయరాదు : హైకోర్టు
తెలంగాణ సర్కార్‌కు హైకోర్టు మరో షాక్‌ ఇచ్చింది. ప్రాజెక్టుల కోసం ఎట్టిపరిస్థితుల్లోనూ 123 జీవో ద్వారా భూసేకరణ చేయరాదని స్పష్టం చేసింది. హైకోర్టు వెలువరించిన 78 పేజీల సుదీర్ఘ మధ్యంతర ఉత్తర్వులు.. తెలంగాణ సర్కారును పునరాలోచనలో పడేలా చేశాయి. తాజా పరిణామాల దృష్ట్యా తెలంగాణలో ప్రాజెక్టుల నిర్మాణం మరింత ఆలస్యం అయ్యేలా ఉంది.

Don't Miss