ఆర్టీసీ బస్సు బోల్తా...ఒకరి మృతి

12:24 - September 8, 2017

నిర్మల్‌ : జిల్లాలో జరిగిన రోడ్డు ప్రమాదంలో ఒకరు మృతి చెందారు. ఆర్టీసీ సూపర్ లగ్జరీ బస్సు హైదరాబాద్ నుంచి ఆదిలాబాద్ వస్తోంది. బస్సులో 30 మంది ప్రయాణికులున్నారు. మార్గంమధ్యలో నిర్మల్ జిల్లాలోని గంగాపూర్ దగ్గర ఓ బైకిస్టు ఎదురుగా వచ్చి బస్సును ఢీకొట్టి.. దాని కిందకు దూసుకెళ్లాడు. అతను మృతి చెందాడు. బైక్ ను తప్పించే క్రమంలో డ్రైవర్ బస్సును రోడ్డు కిందికి నడిపాడు. ఈ నేపథ్యంలో బస్సు రెండు పల్టీలు కొట్టింది. దీంతో బస్సులోని 30 మంది ప్రయాణీకులకు గాయాలయ్యాయి. వీరిలో 10 మందికి తీవ్ర గాయాలయ్యాయి. మరో 20 మందికి స్వల్పగాయాలు అయ్యాయి. క్షతగాత్రులను చికిత్స నిమిత్తం నిర్మల్ ఏరియా ఆస్పత్రికి తరలించారు. మరిన్ని వివరాలను వీడియోలో చూద్దాం... 

Don't Miss