రాజీవ్ హంతకులు..కేబినెట్ నిర్ణయం...

19:02 - September 9, 2018

తమిళనాడు : రాజీవ్ హత్య కేసులో హంతకుల విడుదలకు తమిళనాడు కేబినెట్ నిర్ణయం తీసుకుంది. కాసేపటి క్రితం తమిళనాడు మంత్రివర్గం సమావేశమైంది. రాజీవ్ హంతకులను విడుదల చేయాలని గవర్నర్ కు సిఫార్సు చేయాలని కేబినెట్ నిర్ణయం తీసుకుంది. 27 ఏళ్లుగా రాజీవ్ హంతకులు జైల్లోనే ఉన్న సంగతి తెలిసిందే. గతంలో రాజీవ్ హంతకుల విడుదల అంశంపై తమిళనాడు ప్రభుత్వ నిర్ణయాన్ని సుప్రీంకోర్టు, కేంద్రం తప్పుబట్టాయి. మరోసారి ప్రతిపాదనను తమిళనాడు ప్రభుత్వం పంపింది.

1991 మే 21న శ్రీ పెరంబుదూర్ లో జరిగిన ఆత్మాహుతి దాడిలో రాజీవ్ హత్యకు గురయ్యారు. ఈ హత్య కేసులో గత 27 ఏళ్లుగా ఏడుగురు నిందితులు జైలు శిక్ష అనుభవిస్తున్నారు. ఇందులో త్వరగా విడుదల చేయాలని నిందితురాలిగా ఉన్న నళిని కోరగా మద్రాసు హైకోర్టు తోసిపుచ్చింది. 

Don't Miss