లక్ష్మీ కనకాల కన్నుమూత

17:57 - February 3, 2018

హైదరాబాద్ : సీనియర్‌ నటుడు దేవదాస్‌ కనకాల భార్య లక్ష్మీ కనకాల మృతి చెందారు. హైదరాబాద్‌లోని స్వగృహంలో గుండెపోటుతో ఆమె కన్నుమూశారు. తల్లి మరణంతో.. నటుడు రాజీవ్‌ కనకాల కుటుంబం విషాదంలో మునిగిపోయింది. హీరో జూనియర్‌ ఎన్‌టీఆర్‌, శివాజీరాజా, సమీర్‌లు ఆమె మృతదేహాన్ని సందర్శించి నివాళులు అర్పించారు. అమ్మది పరిపూర్ణమైన జీవితమని.. నటులుగా చిత్రపరిశ్రమలో పేరు తెచ్చుకోవాలని ప్రయత్నించే ప్రతి ఒక్కరిని తన కన్నబిడ్డలా చేరదీసిందని రాజీవ్‌ కనకాల అన్నారు. తనను కోడలిగా కాకుండా ... కన్న కూతురిలా చూసుకున్నారని.. ప్రముఖ యాంకర్‌ సుమ... అత్తగారితో తనకున్న అనుబంధాన్ని గుర్తు చేసుకున్నారు. సాయంత్రం హైదరాబాద్‌లోని మహాప్రస్థానంలో లక్ష్మీదేవి అంత్యక్రియలు జరగనున్నాయి. యాక్టింగ్‌ స్కూల్‌ ద్వారా అనేక మందికి నటనలో ఓనమాలూ దిద్దించిన లక్ష్మీదేవి.. పలు చిత్రాల్లో నటించారు.

 

Don't Miss