రూ. 5లక్షల పౌండ్లు పలికిన 'గాంధీ' స్టాంపులు..

12:41 - April 20, 2017

లండన్ : భారతదేశ జాతిపిత మహాత్మా గాంధీని విదేశాల్లో కూడా ఆదరిస్తుంటారు. పలు దేశాల్లో ఆయన విగ్రహాలు కూడా ఉన్న సంగతి తెలిసిందే. గాంధీ చిత్ర పేరిట ఉన్న అరుదైన స్టాంపులు యూకేలో రికార్డు ధర పలికాయి. స్టాన్లీ గిబ్బన్స్ అనే స్టాంప్ కలెక్టింగ్ కంపెనీ మహాత్ముడి చిత్రం పేరిట ఉన్న నాలుగు స్టాంపుల వేలం వేసింది. ఈ వేలంలో పలువురు పాల్గొన్నారు. ఆస్ట్రేలియాకు చెందిన ఓ వ్యక్తి ఏకంగా రూ. 5లక్షల పౌండ్లు పాడి చేజిక్కించుకున్నాడు. భారత కరెన్సీలో దాదాపు రూ. 4.1 కోట్లు. ఓ భారత స్టాంప్ కు ఇంత ధర పలకడం ఇదే తొలిసారి అని పలువురు పేర్కొంటున్నారు. 1948 నాటి పది రూపాయల విలువ గల మహాత్ముడి స్టాంపులు కేవలం 13 మాత్రమే చలామణిలో ఉన్నట్లు అక్కడి నిర్వాహకులు పేర్కొనట్లు తెలుస్తోంది. ఇందులో కేవలం నాలుగింటిని మాత్రమే వేలం వేయగా మరో నాలుగు ఫిలాటెలిక్ కలెక్షన్ హౌస్ లో ఉన్నట్లు సమాచారం.

Don't Miss