విలన్ గా 'రాశీ ఖన్నా'..?

10:39 - April 19, 2017

టాలీవుడ్ లో రాశీ ఖన్నా పలు చిత్రాల్లో ఛాన్స్ లు అందుకుంటూ దూసుకెళుతోంది. ఇప్పటికే ప్రముఖ హీరోల సరసన నటించే అవకాశాలు దక్కించుకున్న విషయం తెలిసిందే. 'ఊహలు గుసగుసలాడే'లో అమాయకంగా, 'హైపర్' లో గ్లామర్ గా కనిపించిన 'రాశీ ఖన్నా' 'సాయిధరమ్ తేజ్‌' 'సుప్రీమ్' లో బెల్లం శ్రీదేవిగా ప్రేక్షకులను అలరించింది. ఇటీవల యంగ్‌టైగర్ ఎన్టీఆర్ సినిమాలోనూ ఆఫర్ పట్టేసింది ఈ ముద్దుగుమ్మపై సోషల్ మీడియాలో ఓ వార్త హల్ చల్ చేస్తోంది. మలయాళంలో అరంగ్రేటం చేసేందుకు రంగం సిద్ధమవుతోందంట. తెలుగు, తమిళం, మలయాళంలో ఈ చిత్రానికి ఆదరణ లభించాలనే ఉద్ధేశ్యంతో ఉన్ని కృష్ణన్ ఓ చిత్రం తెరకెక్కుతోంది. ఆయా భాషాల్లో పేరు గాంచిన పలువురు నటీ నటులను సినిమాలో నటించనున్నారు. మోహన్ లాల్ కీలక పాత్ర పోషిస్తున్నారు. విశాల్ ప్రధాన పాత్రలో నటిస్తుండగా హన్సిక, శ్రీకాంత్, మంజువారియర్ లాంటి స్టార్స్ నటిస్తుండడంతో చిత్రంపై భారీ అంచనాలు నెలకొన్నాయి. ఇదిలా ఉంటే ఇక ఈసినిమాలో 'రాశీ ఖన్నా' విలన్ గా నటిస్తోందని పుకార్లు షికారు చేస్తున్నాయి. ఓ అవినీతి పోలీసు అధికారిణిగా నటించబోతోందని మరో ప్రచారం జరుగుతోంది. రాక్ లైన్ ఎంటర్ టైన్ మెంట్స్ పతాకంపై ప్రముఖ నిర్మాత రాక్ లైన్ వెంకటేష్ ఈ సినిమాను నిర్మిస్తున్నారు. ఈ విషయంపై అధికారికంగా ప్రకటన రావాల్సి ఉంది.

Don't Miss