రాష్ట్రానికి అధికారం లేదు : రేవంత్ రెడ్డి

16:35 - August 8, 2017

హైదరాబాద్ : డ్రగ్స్‌ వ్యవహారంపై హైకోర్టులో రేవంత్‌రెడ్డి పిటిషన్‌ దాఖలు చేశారు. ఈ పిటిషన్‌ను హైకోర్టు విచారణకు స్వీకరించింది. దర్యాప్తు సంస్థల పర్యవేక్షణలో డ్రగ్స్‌ కేసు విచారణ చేపట్టాలని రేవంత్‌రెడ్డి పిటిషన్‌లో పేర్కొన్నారు. సిట్‌కు నిందితులను అరెస్ట్‌ చేసే అధికారం లేదని పిటిషనర్‌ తరపు న్యాయవాది వాదించారు. సెక్షన్‌-7 ప్రకారం రాష్ట్ర ప్రభుత్వానికి రెగ్యులేషన్‌ అధికారమున్నా... ప్రాసిక్యూషన్‌, ఇన్వెస్టిగేషన్‌ చేసే అధికారం లేదన్నారు పిటిషనర్‌. దీనిపై స్పందించిన హైకోర్టు... వివరణ ఇవ్వాలని ప్రభుత్వ న్యాయవాదిని ఆదేశించింది. దీంతో వచ్చే వారం పూర్తి వివరాలు సమర్పిస్తామని ప్రభుత్వ తరపు న్యాయవాది హైకోర్టుకు తెలిపారు. తదుపరి విచారణను హైకోర్టు వచ్చే వారానికి వాయిదా వేసింది.

Don't Miss