ఎదురొడ్డి నిలిచిన బెంగళూరు...

06:52 - May 13, 2018

ఢిల్లీ : రాయల్‌ చాలెంజర్స్‌ బెంగళూరు ఢిల్లీపై సూపర్‌ విక్టరీ కొట్టింది. ప్లేఆఫ్‌ రేసులో తామూ ఉండాలంటే కచ్చితంగా మిగిలిన నాలుగు మ్యాచ్‌లను నెగ్గాల్సిన దశలో బెంగళూరు ఎదురొడ్డి నిలిచింది. కోహ్లీ, డివిల్లీర్స్‌ చెలరేగి ఆడారు. కోహ్లీ 40 బంతుల్లో 7 ఫోర్లు, 3 సిక్స్‌లతో 70రన్స్‌ చేయగా... డివిల్లీర్స్‌ 37 బాల్స్‌ను ఎదుర్కొని 4ఫోర్లు, 6 సిక్సర్లతో 72 రన్స్‌ చేసి నాటౌట్‌గా నిలిచాడు. దీంతో ఢిల్లీపై బెంగళూరు 5 వికెట్ల తేడాతో ఘన విజయం సాధించింది. అంతకుముందు బ్యాటింగ్‌కు దిగిన ఢిల్లీ... 20 ఓవర్లలో 4వికెట్లు కోల్పోయి 181 పరుగులు చేసింది. ఢిల్లీ జట్టులో రిషబ్‌, అభిషేక్‌ రాణించారు. మ్యాన్‌ ఆఫ్‌ ద మ్యాచ్‌ డివిల్లీర్స్‌కు దక్కింది.

Don't Miss