'సుప్రీంకోర్టు పవిత్రతను కాపాడలేకపోతే ప్రజాస్వామ్యానికి ముప్పు'

13:59 - January 12, 2018

ఢిల్లీ : భారత న్యాయవ్యవస్థలో అనూహ్య పరిణామాలు చోటు చేసుకున్నాయి. సుప్రీంకోర్టుకు చెందిన నలుగురు న్యాయమూర్తులు మీడియా సమావేశం ఏర్పాటు చేశారు. సీనియర్‌ న్యాయమూర్తులు జస్టిస్‌ చలమేశ్వర్, రంజన్‌ గోగోయ్, మదన్‌ లోకూర్, కురియన్‌ జోసఫ్‌లో మీడియా సమావేశంలో పాల్గొన్నారు. సుప్రీంకోర్టులో చోటు చేసుకున్న అవాంఛ పరిణామాలపై ఆందోళన వ్యక్తం చేశారు. సుప్రీంకోర్టు పరిపాలన సరైన దిశలో నడవడం లేదన్నారు. లోపాలను సరిదిద్దమని సుప్రీంకోర్టు ప్రధాన న్యాయమూర్తి దృష్టికి తీసుకెళ్లినా ఆయన పట్టించుకోవడం లేదని న్యాయమూర్తులు పేర్కొన్నారు. తప్పనిసరి పరిస్థితుల్లోనే మీడియా సమావేశాన్ని ఏర్పాటు చేసినట్లు జలమేశ్వర్‌ చెప్పారు. సుప్రీంకోర్టులో జరుగుతున్న పరిణామాలను దేశ ప్రజలకు చెప్పాల్సిన బాధ్యత మాపై ఉందన్నారు.

 

Don't Miss