‘సైరా’ అమితాబ్ మోషన్ పోస్టర్...

10:10 - October 11, 2018

హైదరాబాద్ : మెగాస్టార్ చిరంజీవి నటిస్తున్న ‘సైరా’ షూటింగ్ శరవేగంగా కొనసాగుతోంది. ఇటీవలే జార్జియాలో షూటింగ్ జరుపుకుంది. మెగాస్టార్‌కు 151వ సినిమా. 150వ సినిమా ‘ఖైదీ నెంబర్ 150’ సినిమా గ్రాండ్ ఎంట్రీ ఇచ్చిన సంగతి తెలిసిందే. దీనితో సైరా సినిమాపై భారీ అంచనాలు నెలకొన్నాయి. స్వాతంత్య్ర స‌మ‌ర‌యోధుడు ఉయ్యాల‌వాడ న‌ర‌సింహారెడ్డి జీవిత కథతో చిత్రం రూపొందుతోంది. కొణిదెల ప్రొడ‌క్ష‌న్ కంపెనీ బేన‌ర్‌పై చిరంజీవి తనయుడు రామ్ చ‌ర‌ణ్ సినిమాను నిర్మిస్తుండగా సురేందర్ రెడ్డి దర్శకత్వం వహిస్తున్నారు. సుమారు రూ. 150 కోట్ల బడ్జెట్‌తో సైరా నరసింహారెడ్డి చిత్రాన్ని తెరకెక్కిస్తున్నారు. తెలుగు, తమిళ, హిందీ భాషల్లో నేషనల్ లెవల్లో ఈ సినిమా రూపొందిస్తున్నారు. ఈ చిత్రాన్ని 2019లో ప్రేక్షకుల ముందుకు తెచ్చేందుకు ప్లాన్ చేస్తున్నారు.
ఈ సినిమాలో విజ‌య్ సేతుప‌తి, సుదీప్ , జ‌గ‌ప‌తి బాబు, న‌య‌న‌తార త‌దిత‌రులు ప్ర‌ధాన పాత్ర‌లు పోషిస్తున్నారు. బాలీవుడ్ నుండి బిగ్ బి అమితాబ్ బచ్చన్ కీలక పాత్రలో నటిస్తున్నారు. గురువారం ఆయన జన్మదిన సందర్భంగా మోషన్ పోస్టర్ రిలీజ్ చేసింది చిత్ర యూనిట్. గ‌తంలోనే సెట్‌లో చిరు, న‌య‌న‌తార‌తో క‌లిసి ఉన్న ఫోటోని అమితాబ్ షేర్ చేయ‌గా రాజ‌గురువు గోస‌యి వెంక‌న్న‌ పాత్ర‌లో అమితాబ్ క‌నిపించనున్నట్టు సమాచారం. 

Don't Miss